3-րդ զորամիավորման N զորամասում ապրիլի 2-ին անցկացված մարտական հերթափոխի նախապատրաստական աշխատանքների ժամանակ ստուգվել են անձնակազմի հանդերձանքը, սպառազինությունն ու ռազմական տեխնիկան, կատարվել են հերթափոխի մեկնող զինծառայողների ջերմաչափման և մարտական տեխնիկայի ախտահանման աշխատանքներ: Այս մասին Analitik.am-ը տեղեկանում է ՀՀ ՊՆ մամուլի ծառայությունից։
Ստորաբաժանումների հրամանատարները անձնակազմին հրահանգավորել են մարտական հերթապահության ժամանակ անվտանգության կանոնների խստիվ պահպանման վերաբերյալ:
