Թուրքիայի քաղաքացիներից մեկն ուշագրավ միջոց է գտել կորոնավիրուսի դեմ պայքարելու համար։ Նա կորոնավիրուսից պաշտպանող բժշկական արտահագուստի փոխարեն ամբողջ մարմինը ծածկող պոլիպրոպիլենային պարկ է «հագել»։ Եվ այդ տեսքով շրջել է թաղամասում։ Դեպքը տեղի է ունեցել Ստամբուլի Զեյթինբուրնու շրջանում։
Անցորդները նկատել և նկարահանել են այդ անսովոր տեսարանն ու տեսանյութը տարածել սոցիալական ցանցերում։ Տեսանյութը կարճ ժամանակում մեծ հետաքրքրություն է առաջացրել օգտատերերի շրջանում։
