ԱՄՆ-ում 96 տարեկան հասակում մահացել է Սարկիս Թաթիկյանը: Նա ԱՄՆ ՊՆ-ում ամենաերկար ծառայած պաշտոնյան է:
Թաթիկյանը ծնվել է Ֆիլադելֆիայում, Հայոց ցեղասպանությունից փրկված հայի ընտանիքում: Նա առաջին անգամ ծառայության անցել է 19 տարեկան հասակում, Երկրորդ աշխարհամարտի ժամանակ: Այդ օրվանից նա չի հեռացել ԱՄՆ ՊՆ-ից՝ համակարգում անցկացնելով 78 տարի, ինչը ռեկորդ է:
Երկրորդ աշխարհամարտի ավարտից հետո Թաթիկյանն աշխատել է ԱՄՆ ռազմածովային ուժերի գլխավոր վարչությունում՝ օգնելով մշակել կառավարվող թևավոր հրթիռների առաջին սերունդը:
Հավելենք, որ Թաթիկյանը մինչ մահվան օրն ամեն օր աշխատանքի է գնացել՝ աշխատավայր հասնելով երթուղային տրանսպորտով: