Առողջապահության համաշխարհային կազմակերպության (ԱՀԿ) ներկայացուցիչը Բելառուսում՝ Բատիր Բերդիկլիչևը կոչ է արել ավելի խիստ միջոցներ ներդնել կորոնավիրուսների տարածման դեմ պայքարում: Այս մասին նա հայտարարել է խորհրդարանում ունեցած ելույթի ժամանակ, հայտնում է Tut.by-ն:
Ըստ նրա, իշխանությունները պետք է հետագա միջոցներ ձեռնարկեն մինչև համաճարակի պիկը, ներառյալ՝ ուսումնական հաստատությունների հեռավար ուսուցման տեղափոխումը, զանգվածային միջոցառումների արգելումը և Բելառուսի տարածքում համընդհանուր կարանտինի ներդրումը:
«Եթե նայեք այն երկրների փորձին, որոնք անցել են այս ճանապարհով, 4-6 շաբաթից դեպքերի նվազման աճ է նկատվում: Եվ արդեն 8-րդ շաբաթվա ընթացքում նրանք մոտենում են պիկին: Բելառուսի համար սա հաջորդ քայլն է»,-ասել է նա։
