Շիրակի մարզպետ Տիգրան Պետրոսյանը ֆեյսբուքյան իր էջում տեսանյութ է հրապարակել՝ հետևյալ գրառմամբ․
«Անի պատմական մայրաքաղաքի դիմաց վեր է խոյանում հայոց եռագույնը»։
Տեսանյութն այն մասին է, որ հայ-թուրքական սահմանին գտնվող ու ընդամենը մեկ բնակիչ ունեցող Խարկով գյուղում՝ Անիի ավերակների ուղիղ դեմ դիմաց, այսօր բարձրացվեց ամենամեծ եռագույնը:
Նախաձեռնությունը մոսկվայաբնակ հայ գործարար ընկերներինն էր, ովքեր 4 օր առաջ են այցելել սահմանամերձ գյուղ ու իմանալով, որ այն տարիների ընթացքում դատարկվել է, որոշել են դրոշ ու խաչքար տեղադրել։