«Մեր ժամանակով, եթե Ազգային ժողովում մեր քրֆեին, աբարոտկա ֆռռային, մեկը մեկին գիտեք մոր համար ինչ կանեին, սրբություն ա մերը»,- Analitik.am-ին ասաց Ազգային ժողովի նախկին պատգամավոր Առաքել Մովսիսյանն՝ անդրադառնալով նախօրեին Ազգային ժողովում Ալեն Սիմոնյանի և Էդմոն Մարուքյանի միջև հայհոյախառը լեզվակռվին:
Իսկ թե ինչպես է վերաբերում հայրենի օրենսդիր մարմնում պատգամավորների միջև նման կարգի հաղորդակցությանը, Մովսիսյանն ասաց. «Էլ բեթարից ազատի, էդ ինչ հայհոյանքներ ա որ»:
Հարցին, թե ինչպես է գնահատում խորհրդարանում պատգամավորների նման պահվածքը և կարելի է արդյո՞ք հայհոյել, մեր զրուցակիցը նշեց, թե ամեն ինչ էլ կարելի է անել, եթե ճիշտ օրենքներ չեն ընդունում:
«Նախկին Ազգային ժողովի ժամանակ ամեն ինչն էլ տղամարդավարի էր արվում, ազգի մասին էինք մտածում, իսկ հիմա ոչ մի բան էլ չեմ տենում»,- ասաց ԱԺ նախկին պատգամավորը:
Հարցին՝ կցանկանար արդյո՞ք կրկին լինել Ազգային ժողովում, Մովսիսյանը պատասխանեց, որ ժողովուրդը պիտի ցանկանա, կգա ժամանակը և իր խոսքը կասի:
Գոհար Ստեփանյան