Անհատական ծառայությունները, որոնց խմբում են դասվում լվացման, մաքրման, չոր մաքրման ծառայությունները, վարսավիրանոցները և գեղեցկության սրահները, մայիսի 4-ից կթույլատրվեն: Այս մասին մամուլի ասուլիսի ժամանակ հայտարարեց ՀՀ Էկոնոմիկայի նախարարի տեղակալ Վարոս Սիմոնյանը:
Փոխնախարարը հայտնեց, որ կլինեն հատուկ ուղեցույցներ, կանոններ, թե ինչպես պետք է աշխատեն նրանք, ովքեր իրավունք են ունենալու աշխատելու: Կանոնները խիստ վերահսկվելու են:
Սիմոնյանը խնդրեց գործունեություն իրականացնող տնտեսվարողներին առաջնորդվել կանոններով և ուղեցույցերով, որոնք կհրապարակվեն: Կգործեն թեժ գծեր, որոնք կօգնեն բոլոր նրանց, ովքեր խորհրդատվության կարիք կունենան:
