Վերջին երկու տարում բանկային համակարգում դոլարիզացիայի նվազման միտումներ են նկատվում: Այս մասին մամուլի ասուլիսի ժամանակ հայտարարեց ՀՀ վարչապետ Նիկոլ Փաշինյանը:
Վարչապետը նշեց, որ մասնավորապես ավանդների դոլարիզացիայի մակարդակը 2019 թվականին կազմել է 59,3 տոկոս՝ նախորդ տարվա 60-ի փոխարեն:
Փաշինյանի խոսքերով, դա նշանակում է, որ քաղաքացիներն ավելի ու ավելի շատ են վստահում դրամին. «Ես էլ նույնկերպ եմ վարվում: Վերջերս վաճառեցի իմ «Հունդային» և այդ գումարը որպես ավանդ պահում եմ բանկում»:
