Ճապոնիայի վարչապետ Շինձո Աբեն հայտնել է, որ կորոնավիրուսի տարածումը և տնտեսական ճգնաժամը վերահսկելու նպատակով Թուրքիային բժշկական և ֆինանսական աջակցություն է առաջարկելու։
Այս մասին Աբեն նշել է Թուրքիայի նախագահ Ռեջեփ Թայիփ Էրդողանի հետ Ստամբուլի Բաշաքշեհիր շրջանում կառուցված Չամ և Սակուրա հիվանդանոցների բացման ժամանակ ունեցած տեսակոնֆերանսի ժամանակ։
«Մենք մտածում ենք ֆինանսական ներդրումների, այդ թվում՝ արտակարգ դրության պայմաններում վարկեր տրամադրելու շուրջ»,-ասել է նա։
