Կորոնավիրուս Հասարակություն 

Արսեն Թորոսյանը կա՛մ պետք է հիմնավորի իր ոչ ճիշտ գնահատականները, կա՛մ ներողություն խնդրի. Թենգիզ Ցերցվաձե. Tert.am

Վրաստանում ինֆեկցիոն հիվանդությունների, ՁԻԱՀ-ի և կլինիկական իմունոլոգիայի կենտրոնի գլխավոր տնօրեն Թենգիզ Ցերցվաձեն kvirispalitra.ge կայքին ուղարկված նամակում պատասխանել է ԱՆ Արսեն Թորոսյանի՝ Վրաստանում կորոնավիրուսաին իրավիճակի վիճակագրության կասկածելի լինելու և վրացական հակամահաճարակային համակարգի ոչ արդյունավետ լինելու մասին հայտարարությանը՝ նշելով, որ նախարարը կա՛մ պետք է հիմնավորի իր ոչ ճիշտ գնահատականները, կա՛մ ներողություն խնդրի դրանց համար։ Այս մասին գրում է Tert.am-ը:

«Անդրադառնալով Թորոսյանի հայտարարությանն այն մասին, թե Վրաստանի առողջապահական և հակահամաճարակաբանական համակարգը խիստ տարբերվում է հայկականից, և հայկական համակարգն ավելի լավ է գործում, քան վրացականը՝ Ցերցվաձեն նշել է․ «Չենք կարծում, որ պարոն Թորոսյանը մեզնից պետք է իմանա, որ բարձրաստիճան պաշտոնյան նման հայտարարություններ չպետք է անի, էլ չենք խոսում ինչ-որ փաստարկներ բերելու մասին։ Ըստ հեղինակավոր միջազգային կազմակերպությունների պաշտոնական տվյալների՝ Վրաստանում մայիսի 22-ի դրությամբ հաստատվել է COVID-19-ով վարակման 723 դեպք, որից 12-ը՝ մահվան ելքով, Հայաստանում եղել է 5928 վարակման դեպք, որից 74-՝ մահվան ելքով։ Այս ֆոնին պարոն նախարարի հայտարարությունը, թե հայկական հակահամաճարակային համակարգն ավելի լավ է գործում, քան վրացականը, ժպիտ է առաջացնում (եթե ոչ ծիծաղ)։

Ինչ վերաբերում է նախարարի՝ Վրաստանում վիճակագրության ճշգրտության մասին հարցին, կցանկանայինք հայտարարել, որ Վրաստանում COVID-19-ով վարակված հիվանդների գրանցումն իրականացվում է միջազգային ամենաբարձր չափանիշներին համապատասխան, լիովին թափանցիկ, ուստի դրանց հուսալիությունը որևէ միջազգային կառույցի կամ փորձագետի կողմից կասկածի տակ չի դրվել։

Կարծում ենք, որ պարոն նախարարը կա՛մ պետք է հիմնավորի իր ոչ ճշգրիտ (մեղմ ասված) գնահատականները, կա՛մ գոնե «արժեզրկի» իր հայտարարությունը և ներողություն խնդրի դրա համար։

Կցանկանայինք նաև մանրամասնել, որ տարածաշրջանում եզակի համարվող Վրաստանի Լուգար կենտրոնում բոլոր լաբորատոր հետազոտություններն իրականացվում են ամենաբարձրորակ թեստային համակարգերի միջոցով, ուստի սխալներն այստեղ բացառվում են։ Չենք կարծում, որ Հայաստանում լավագույն լաբորատորիան է գործում, կամ այդտեղ են լավագույն փորձարկման համակարգերը։ Վրաստանում բոլոր ախտորոշիչ թեստերը ՊՇՌ թեստերի միջոցով են իրականացվում, իսկ հակամարմինների արագ թեստերն օգտագործվում են միայն սերոպոզիտիվ անհատների (և ոչ թե հիվանդների) մոտ SARS-CoV-2-ի հայտնաբերման նպատակով հավելյալ հետազոտությունների համար։

Երկրում ՊՇՌ հետազոտություններն իրականացվում են բոլոր այն անձանց համար, որոնց մոտ կորոնավիրուսի առկայության անգամ շատ քիչ հավանականություն կա, որոնք ռիսկային բարձր գոտում են գտնվում կամ որոնց մոտ արդեն հաստատվել է հիվանդությունը։ Թեստ ենք անցկացնում նաև վարակակիրների հետ սերտ շփման մեջ մտած անձանց, բոլոր հոսպիտալացված և բարձր ջերմությամբ և թոքաբորբ ունեցող և ամբուլատոր բուժում ստացող հիվանդներին։ Հիրավի, վիճակագրությունը ներառում է նաև մահվան ելքով դեպքերը»։

Ցերցվաձեն մասնավորապես հավելել է, որ երկրում կորոնավիրուսի վարակակիրների մոտ հիվանդության ժամանակին ախտորոշման և բուժման արդյունավետ համակարգ է գործում, որի մասին վկայում են կորոնավիրուսից մահացության ցածր ցուցանիշները։ Կորոնավիրուսի դեմ պայքարի գործում ունեցած ձեռքերումների համար Վրաստանը ՄԱԿ-ից, Առողջապահության համաշխարհային կազմակերպությունից, միջազգային այլ հաստատություններից բարձր գնահատականի է արժանացել։

Ցերցվաձեն վերջում Արսեն Թորոսյանին և Վրաստանով հետաքրքված անձնաց հրավիրել է իր հայրենիք և հակահամաճարակային փորձով նրանց հետ կիսվելու պատրաստակամություն հայտնել»,-փոխանցում է լրատվամիջոցը:

  •  
  •  
  •  
  • 7
  •  
  • 2
  •  
  •  
  •  
    9
    Shares

Նույն շարքից