Երուսաղեմի պատրիարքության դիվանապետ Հովնան Բաղդասարյանը ֆեյսբուքյան գրառմամբ հայտնել է, որ այսօր կբացվեն Երուսաղեմի Սուրբ Հարության տաճարի դռները:
«Սուրբ Յարութեան տաճարի Իրավատեր երեք համայնքների Հոգեւոր պետերը՝ Երուսաղեմի հայ եւ յոյն պատրիարքներն ու Սուրբ Երկրի կուստոսը, մայիսի 23-ին, ստորագրեցին յայտարարութիւն, ծանուցելով, որ կիրակի, մայիսի 24-ին, պիտի բացուի տաճարի դուռը:
Յայտարարութեան մէջ նշւում է, որ համավարակի պատճառով յատուկ միջոցառումներ պիտի իրականացուեն. տաճարի մուտքին՝ այցելուների ջերմաչափում եւ ձեռքերի ախտահանում, ինչպէս նաեւ պիտի չթոյլատրուի միաժամանակ 50-ից աւելի այցելուի մուտքը տաճար:
Նրանցից պիտի պահանջուի պահել սոցիալական հեռավորութիւն»,- գրել է Բաղդասարյանը: