Մեծ Բրիտանիայի «Borth Wild Animal Kingdom» կենդանաբանական այգու տերերը սպառնում են քնեցնել բոլոր կենդանիներին՝ կորոնավիրուսի համաճարակի պատճառով սնունդի բացակայության դեպքում: Այս մասին գրում է Daily Mail-ը:
Սեփականատերերը պնդել են, որ իրենց միջոցները բավարար կլինեն միայն մեկ շաբաթ կենդանիների համար սնունդ գնելու համար: Այնուհետև նրանք պատրաստվում են քնեցնել կենդանիներին, սակայն դա համարում են վերջին միջոցը: Սեփականատերերից մեկը նշել է, որ ձմեռային սեզոնից հետո նրանք մի կերպ են կարողացել կերակրել կենդանիներին, և այժմ օգնության կարիք ունեն:
Նրա խոսքերով, մեկ շաբաթվա սնունդն արժենում է երեք հազար ֆունտ: Երբ միջոցները վերջանան, նրանք ստիպված կլինեն փնտրել ուղիներ կենդանիներին տուն վերադարձնելու համար: Այնուամենայնիվ, բազմաթիվ կենդանիների դեպքում դա հնարավոր չէ, քանի որ էկզոտիկ տեսակները պահանջում են հատուկ խնամք: Բացի այդ, որոշ տեսակներ փրկվել են մաքսանենգների ձեռքից, և« Borth Wild Animal Kingdom»-ը նրանց համար իսկական ապաստան է դարձել: