Առաջիկա 4 օրերը վարակի տարածման առումով վտանգավոր են լինելու, քանի որ հանգստյան օրեր են: Մեր տեղեկություններով, մասնավորապես ուսումնական տարվա նախատեսում: Այս մասին կառավարության նիստում հայտարարեց ԿԳՄՍ նախարար Արայիկ Հարությունյանը:
«Թեպետ մենք ուսումնական հաստատություններին զգուշացրել ենք, բայց տեղեկություններ ունենք այդ մասին: Օգտվելով այս հնարավորությունից, կոչ եմ անում, հորդորում եմ ուսումնական հաստատություններին, ուսանողական խորհուրդներին զերծ մնալ նման միջոցառումներից»,-ասաց նա:
Նախարարը կրկին խոստացավ, որ առաջին իսկ հնարավորության դեպքում մեկ օր կնշանակվի ու Վերջին զանգը կնշվի, իսկ մինչ այդ պետք է կատարել պարետատան որոշումներն ու ԱՆ-ի ցուցումները:
«Ես կխնդրեմ նաև սրբավայրերի հետ կապված ուշադրություն դարձնել: Անցած շաբաթ Սպիտակի Սուրբ Հովհաննես մատուռի մոտ հսկայական կուտակումներ են եղել, այդ նկարները կան: Խնդրում եմ ոստիկանությանը հսկողություն իրականացնել, նման կուտակումներ թույլ չտալ»,-ասաց նախարարը:
Նիկոլ Փաշինյանն իր հերթին ասաց, որ պատասխանատվությունը պետք է դնել դպրոցների տնօրենների ու համայնքների ղեկավարների վրա: Իսկ հետո պատասխանատուները կենթարկվեն համապատասխան վերաբերմունքի: