Եթե դիմակ կրելու դե ֆակտո պարտադիրության մեր ուղերձը չընդունվի, մենք հաջորդ քայլով դե յուրէ պարտադիր կդարձնենք ընդհանրապես բոլոր տեղերում դիմակ կրելը: Կպարտադրենք դիմակ կրել, եթե մարդը մենակ նստած է զբոսայգում ու 10 կմ շառավղով այլ մարդ չկա: Այս մասին կառավարության նիստում հայտարարեց վարչապետ Նիկոլ Փաշինյանը:
«Այդ դեպքում, եթե առանց դիմակ մարդ եղավ, տուգանվելու է: Մեր «ամենամեծ սխալն» է, որ մեր հիմնական գործիքը համարում ենք քաղաքացու անհատական պատասխանատվությունը, սակայն դա բխում է մեր կառավարության ծագումնաբանությունից: Դա մեր մեթոդն է:
Եթե կանոնները չպահպանվեն, մենք դիմակի կրումը պարտադիր կդարձնենք բոլոր տեղերում: Դեռ կքննարկվի՝ տան մեջ պարտադիր կդարձնենք, թե՝ չէ: Սա մի քիչ չափազանցնում եմ բնականաբար: Ես կոչ եմ անում, խնդրում եմ պահպանել կանոնները»,-ասաց նա:
Փաշինյանը նշեց, որ վերոնշյալ կանոններն առաջին հերթին վերաբերում են պաշտոնյաներին, ովքեր դիմակ պետք է կրեն ամենուր, բացի իրենց կաբինետից, որտեղ մենակ կլինեն. «Այս կանոնները պահպանելու դեպքում շատ արագ երկրաչափական անկում կունենանք»:
