Բելառուսի նախագահ Ալեքսանդր Լուկաշենկոն հայտարարել է, թե բոլորը կորոնավիրուսի դեմ պայքարի համար նախանձում են Բելառուսին: Այս մասին վերջինս խոսել է Մինսկի տրակտորային գործարան կատարած այցի ընթացքում, փոխանցում է Լենտան։
«Աշխարհի միակ երկիրը, որը գնաց այս ճանապարհով: Նախանձը միայն ձեզ մոտ չէ, նախանձը մեզ հետ է ամենաբարձր մակարդակում»,-ասել է Լուկաշենկոն:
Նա նաև հորդորել է գործարանի աշխատակիցներին չանհանգստանալ վարակվելու վտանգից․ «Ինչ-որ մեկը կհիվանդա՝ կբուժենք, մի անհանգստացեք դրա մասին: Մենք դա կարող ենք անել, հատկապես, երբ խոսքը վերաբերում է այս վիրուսին: Ինչ-որ կերպ մենք դանդաղ դուրս կգանք այս վիճակից: Եվ եթե Աստված տա, այդպես լինի, ապա մենք կարող ենք ամբողջ աշխարհին ասել. «Գնացեք, սովորեք»»,-ավելացրել է հանրապետության ղեկավարը: