Վերջին շրջանում նկատվում է ոչ միայն ընդհանուր դեպքերի, այլ նաև ծանր դեպքերի թվի աճ: Այս մասին ճեպազրույցի ժամանակ հայտարարեց Երևանի թիվ 13 պոլիկլինիկայի տնօրեն Ռուզաննա Դուրգարյանը:
«Հիմնականհում արդեն դիմում են ընտանիքներով: Եթե մի ժամանակ ընտանիքի սահմաններում 1-2 անձ էր դիմում, հիմա, եթե 6 անձ է, 6-ն էլ արդեն սիմպտոմներով դիմում են պոլիկլինիկա և հաստատվում է կորոնավիրուսային վարակը»,-ասաց նա:
Դուրգարյանը նշեց, որ կոնկրետ իրենց պոլիկլինիկայում հսկվում է մոտ 50 մարդ և ստացիոնար բուժման պայմաններում գտնվում են 50 պացիենտ, ունեն նաև ծանր վիճակում գտնվող պացիենտներ: