Երեկ պարզվեց, որ կորոնավիրուսի իմ թեստը դրական է: Ֆեյսբուքյան ուղիղ եթերում քիչ առաջ հայտնեց ՀՀ վարչապետ Նիկոլ Փաշինյանը՝ հավելելով, որ որևէ ախտանշան չի ունեցել. «Պարզապես առաջնագիծ գնալու պլաններ կային, դրա համար որոշել էի թեստավորվել, թեստի պատասխանը դրական եղավ»:
Վարչապետը հայտնեց, որ ամբողջ ընտանիքով կորոնավիրուսի թեստ են հանձնել, բոլորի պատասխանը դրական է. «Վարակված ենք կորոնավիրուսով: Ուզում եմ ասել, որևէ ախտանշան չունենք»:
Փաշինյանն ասաց, որ ամեն օր ջերմաչափվել է, ջերմություն չի ունեցել։
