Փաստացի ցանկացած քաղաքացի կարող է լինել կորոնավիրուսային հիվանդության աղբյուրը: Այս մասին ճեպազրույցի ժամանակ հայտարարեց Առողջապահության նախարար Արսեն Թորոսյանը՝ խոսելով մասնավորապես ասիմպտոմ դեպքերի մասին:
Թորոսյանի խոսքերով, հնարավոր չէ քաղաքացու դեմքին նայելով որոշել տվյալ քաղաքացու վարակված լինելու մասին. «Հենց այդպիսի քաղաքացիներն են հաճախ հանդիսանում վարակի տարածման աղբյուր: Ամեն ինչ երևում է այն դեպքում, երբ խոցելի խմբի քաղաքացի է վարակվում»:
