Մենք մի իրավիճակում ենք, երբ կան արդեն հոսպիտալացման կարիք ունեցող մարդիկ, որոնց չենք կարողանում ժամանակին հոսպիտալացնել: Այս մասին ֆեյսբուքյան ուղիղ եթերում հայտարարեց վարչապետ Նիկոլ Փաշինյանը:
«Երեկ մենք՝ ես, Աննան, Մարիամը, մանրամասն բժշկական հետազոտություն անցանք: Արձանագրվեց, որ մենք թոքաբորբ չունենք: Լիարժեք ասիմպտոմ ենք տանում հիվանդությունը»,-ասաց նա:
Վարչապետը նշեց, որ սովորաբար հիվանդությունը սիմպտոմներով սկսվելու պարագայում է բարդանում. «Մենք վիճակագրություն ունենք, որ ասիմպտոմ հիվանդների միայն 10 տոկոսի մոտ է հիվանդությունը բարդանում: Նախնական տվյալներով նույն վիճակն է նաև Շուշանի ու Արփիի մոտ, ովքեր կհետազոտվեն այսօր»:
Փաշինյանն ասաց, որ վերջին 1 ամսում ամենօրյա ռեժիմով չափել է ջերմությունը, երբեք չի ունեցել. «Այս հիվանդությունը շատ նենգ է»: