««Մեյմանդարի» գյուղմթերքի շուկան այսօրվանից աշխատում է»,-այս մասին Analitik.am-ին հաղորդեց Սննդամթերքի անվտանգության տեսչական մարմնի մամուլի պատասխանատու Անուշ Հարությունյանը:
Հարությունյանը նշեց, որ շուկայում խախտվել են պարետի որոշումները, այժմ տարածքն ախտահանված է և մարդիկ կարող են աշխատել:
Նա հայտնեց, որ գյուղմթերքի շուկայի աշխատակիցները չեն ջերմաչափվել, վաճառողներն ու հաճախորդները չեն ունեցել դիմակ ու ձեռնոց, դրանց համար նախատեսված փակ աղբարկղեր չեն եղել, սոցիալական հեռավորություն ևս չի պահպանվել:
«24 ժամով կասեցումն առաջին քայլն է, եթե թերությունները կրկնվեն, պարետատունն այլ պատժամիջոցներ ևս կկիրառի»,-ասաց նա:
ՍԱՏՄ ներկայացուցիչը շեշտեց, որ օրերս կրկին գնալու են «Մեյմանդարի» շուկա ստուգումներ իրականացնելու, եթե օրինակ փակ աղբամաններ դրված չլինեն. նորից կպատժվեն:
Գոհար Ստեփանյան
