Դաղստանի Կիզլյարում տեղի ունեցած հրաձգության արդյունքում վիրավորվել է երկու մարդ: Այս մասին հայտնում է ՏԱՍՍ-ը՝ հղում անելով հանրապետության ներքին գործերի նախարարությանը:
Ըստ տեղեկությունների, հունիսի 5-ին, ժամը 21:30-ի սահմաններում, անհայտ անձինք կրակել են տեղի երկու բնակիչների վրա: Նրանք ներկայումս հետախուզվում են ոստիկանության կողմից: Վիրավորներին տեղափոխել են հիվանդանոց:
Դեպքի վայրից կադրերը հրապարակվել է «LIFE Shot» հեռուստաալիքի Telegram ալիքում․ «Խառնաշփոթ է սկսվել, փակել են ճանապարհը»,-ասել է ականատեսներից մեկը: