Իրավական 

Դանակահարվածը վրաերթի էր ենթարկել իրեն դանակահարողին

analitik.am

Հունիսի 5-ին, ժամը 20.10-ին, ոստիկանության Քանաքեռ-Զեյթունի բաժնում հաղորդում ստացվեց, որ Սուրենյանց փողոցի բակերից մեկում դանակահարություն է եղել, ավտոմեքենայով իրար են հարվածել։ Այս մասին հայտնում են Ոստիկանության մամուլի ծառայությունից:

Ավելի ուշ հաղորդում ստացվեց, որ Սուրենյանց փողոցից «պոլիտրավմա» ախտորոշմամբ 1-ին համալսարանական հիվանդանոց բուժօգնության է տեղափոխվել 27-ամյա մի տղամարդ, որը հայտնել է, որ վրաերթի է ենթարկվել:

Մեկնած օպերատիվ խմբի և ոստիկանության Երևան քաղաքի վարչության ՊՊԾ գնդի ծառայողները ժամը 20.30-ին, մարմնական վնասվածք պատճառելու կասկածանքով, բերման են ենթարկել 28-ամյա` երկու, և 31-ամյա մի քաղաքացու։ Պարզվել է, որ ժամը 20.00-ին, Սուրենյանց փողոցի 2-րդ շենքի մոտ, վիճաբանության ժամանակ, հիվանդանոց տեղափոխվածը դանակահարել է բերման ենթարկված 28-ամյա տղամարդուն, որն էլ «ԿԻԱ» ավտոմեքենայով վրաերթի է ենթարկել իրեն դանակահարողին:

Դեպքի վայրի զննությամբ հայտնաբերվել է ծալովի դանակ և վթարված ավտոմեքենան:

Նշանակվել են փորձաքննություններ:

Նախապատրաստվում են նյութեր:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 

Նույն շարքից