Հայաստան Քաղաքականություն 

Փաշինյանն իր դյուրագրգիռ ելույթներով «կերակրում է» քայլարածներին, իսկ գործադիրում անաղմուկ նրանց փոխարինում նախկիններով. «Իրավունք»

«Իրավունք» թերթը գրում է. «Մինչ վարչապետ Նիկոլ Փաշինյանը պատեհ կամ անպատեհ առիթներով ցեխ է շպրտում նախկին իշխանությունների վրա, թե նրանց վերադարձ չի լինելու, կառավարությունը շարունակում է համալրվել նախկին իշխանական կադրերով: Այո, Փաշինյանն իր դյուրագրգիռ ելույթներով «կերակրում է» քայլարածներին, իսկ գործադիրում անաղմուկ նրանց փոխարինում նախկիններով:

Այսպիսով` շրջակա միջավայրի նախարարի անժամկետ պաշտոնակատար է դարձել Վահե Ջիլավյանը` մի մարդ, ով բնապահպանության հետ կապ ունի այնքանով, որքանով օրվա իշխանությունն ազգային պահպանողական գաղափարախոսության հետ, այսինքն` ոչ մի կապ:

Սակայն, առավել հատկանշական է Վ. Ջիլավյանի անցած ուղին: Նա նախկինների օրոք աշխատել է հնարավոր բոլոր նախարարություններում` սկսած ՀՀ ֆինանսների և էկոնոմիկայի նախարարությունից վերջացրած ՀՀ տրանսպորտի և կապի նախարարությունով, էլ չենք ասում, որ եղել է ՀՀ սփյուռքի փոխնախարար և ՀՀ կառավարության աշխատակազմի ղեկավարի տեղակալ` կրկին նախկինների օրոք:

Թե ինչպես նա դարձավ օրվա իշխանության «լավագույն նորը», դժվար է ասել, բայց այն, որ առնվազն այս իշխանության խոսքն ու գործը չի համընկնում, ևս մեկ անգամ փաստում է Ջիլավյանի պաշտոնավարումը»:

Մանրամասն՝ թերթի այսօրվա համարում

 

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից