Ռուսաստանում կորոնավիրուսի դեմ պատվաստանյութի երեք նախատիպերը հաջողությամբ անցել են փորձարկումները և ցույց են տվել արդյունավետություն: Այս մասին հայտարարել է «Վեկտոր» կենտրոնի տնօրեն Ռինատ Մակսյուտովը, փոխանցում է ՌԻԱ Նովոստին:
«Սրանք ձեռք բերված արդյունքների առումով առավել առաջատար դեղամիջոցներ են»,-շեշտել է նա:
Ներկայումս կենտրոնն աշխատում է նոր սերնդի պատվաստանյութերի մի քանի խմբերի վրա, ներգրավված է ավելի քան 100 աշխատակից․ «Ամենակարևորը պաշտպանել հիվանդությունից նրանց, ովքեր պատվաստվելու են: Այս պաշտպանությունը ձևավորելու համար անվտանգ դեղամիջոց ստեղծելն ամենամեծ դժվարությունն է»,-նշել է Մակսյուտովը:
