Սոչիի «Կովկասյան արգելոցի» աշխատակիցները արձանագրել են Մալոե լճի անհետացումը: Այս մասին հայտնում է «Սոչի Էքսպրես» պորտալը:
Լճակը գրեթե անհետացել է, և դրա հիմնական մասը զբաղեցնում է ցեխի և քարերի խառնուրդը:
Գիտնականները պնդում են, որ նման փոփոխությունների պատճառը բնական գործընթացներն են:
«Մալոե լիճը, այսպես կոչված, ձևավորվել է ձնահոսքից: Այսինքն այն առաջացել է ձնահոսքերի պարբերաբար «հարվածներից»: Լիճը, համապատասխանաբար, խորացել է, և այժմ մենք տեսնում ենք այն երկրաբանական իրադարձություններից մեկը, որի պատճառով ժամանակին հայտնվել է այս լիճը: Մենք չենք նկատում ոչ մի անբնական բան, սա բնական գործընթաց է»,-պորտալը մեջբերում է «Կովկասյան արգելոց» գիտական աշխատանքների գծով տնօրեն Նիկոլայ Եսկինի հայտարարությունը: