Բելառուսի իշխանությունները կոչ են արել հարևաններին բացել սահմանները հանրապետության հետ: Այս մասին հայտնում է Բելտան:
Փոխվարչապետ Իգոր Պետրիշենկոն կարծում է, որ երկիրը լիովին պատրաստ է միջազգային տրանսպորտի, գործնական և տուրիստական կապերի լիարժեք մասշտաբային վերականգնմանը:
Նա շեշտել է, որ իշխանություններն ապահովում են իրավիճակի համակարգված մոնիթորինգը, մշակում և ձեռնարկում են համապատասխան համապարփակ արձագանքման միջոցառումներ, որոնց շնորհիվ համաճարակը կարող է զսպվել առանց տնտեսությանը վնաս պատճառելու: Պաշտոնյան նշել է, որ երկրում կիրառվող մոտեցումներն իրականացվում են՝ հաշվի առնելով առկա ռիսկերի պատշաճ գնահատականը: