Հայաստան Քաղաքականություն 

Չկարծեք, թե ամենակարող եք և պիտի թույլ տանք, որ մեր երկրում բռնատիրություն կառուցեք. քաղաքագետ

 

Ամիսներ շարունակ մեդիայի բազում ներկայացուցիչներ, մի շարք փորձագետներ, այդ թվում նաև ես, զգուշացնում էինք հանրությանը, որ Սահմանադրական դատարանում իր համար ցանկալի արդյունքի հասնելուց հետո Նիկոլ Փաշինյանն անցնելու է չորրորդ իշխանության՝ այն է՝ մամուլի դեմ պայքարին։

Եվ քիչ առաջ ահա տեղեկանում եմ, որ Ոստիկանության ծառայողները մտել են «Արմնյուզ» հեռուստաընկերություն ու այնտեղ ինչ-որ ստուգումներ են ուզում անել։ Ֆորմալ առիթը հաղորդավարներից մեկի դիմակ չկրելն է։

ArmNews-ի տնօրինության և սեփականատերերի բոլոր այն պնդումները, որ իրենք առաջնորդվել են իրենց ոլորտը կարգավորող պետական մարմնի՝ ՀՌԱՀ ղեկավարի ցուցումներով, ոստիկանները անտեսում են։

Ուրեմն ասեմ, որ չնայած Նիկոլ Փաշինյանի՝ մամուլի դեմ իրականացված նախկին բոլոր «նիկոլությունների»՝ սա ես համարում եմ մեդիայի դեմ պատերազմի պաշտոնական սկիզբ։

Վարչապետն ու իր կամակատար իրավապահները, թերևս ՍԴ դեմ կարծեցյալ հաղթանակից արբեցած, մտածում են, որ հիմա էլ մամուլի հերթն է եկել։

Ուրեմն ասեմ, գլուխներդ պատին եք տվել, եթե կարծում եք, թե Սահմանադրական դատարանի հարցը մարսեցիք, և կրկնակի անգամ եք գլուխներդ պատին տվել, եթե մտածում եք, թե կարող եք Հայաստանում ազատ խոսք ճնշել։

«Արմնյուզ» հեռուստաընկերությունն այսօրվա Հայաստանի ամենադիտվող, ամենապահանջված և վստահաբար ամենաանհրաժեշտ լրատվամիջոցն է։ Եվ ուրեմն հեռու տարեք ձեր կեղտոտ ձեռքերը «Արմնյուզ»-ից և ազատ մամուլից։

Չկարծեք, թե ամենակարող եք և պիտի թույլ տանք, որ մեր երկրում բռնատիրություն կառուցեք։ Ոչ։ Ամենակարող չեք։ Ավելին ասեմ՝ ոչինչ եք դուք։ Ընդամենը մի սխալ, որը շուտով պիտի ուղղենք։

Հրանտ Մելիք-Շահնազարյան

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից