Ռուսաստանում կորոնավիրուսի թեստերի քանակը գերազանցել է 21 միլիոնը: Այս մասին հայտնում է ՏԱՍՍ-ը՝ հղում անելով Ռոսպոտրեբնադզորի մամուլի ծառայությանը:
«Ռուսաստանի Դաշնությունում անցկացվել է կորոնավիրուսի ավելի քան 21 միլիոն թեստավորում»,-ասված է հաղորդագրության մեջ: Նշվում է, որ անցած օրվա ընթացքում կատարվել է 317 հազար ուսումնասիրություն:
Հուլիսի 2-ին երկրում անցկացված թեստերի քանակը գերազանցել է 20 միլիոնը: Գործակալության տվյալներով՝ Ռուսաստանում կորոնավիրուսի կասկածանքով բժշկական հսկողության տակ է գտնվում 280.3 հազար մարդ։