Իրավական 

Այսօր տեղի կունենա՞ Սահմանադրական դատարանի «դարակազմիկ» նիստը. «Հրապարակ»

«Հրապարակ» թերթը գրում է. «Այսօր տեղի կունենա՞ ՍԴ-ի «դարակազմիկ» նիստը՝ հարցրինք ՍԴ աշխատակազմի ղեկավար Էդգար Ղազարյանին։ «Ժամը 11-ին նշանակված են ՍԴ յոթ նիստեր, թերևս տեղյակ եք, որ օրակարգի ամեն մի հարցը մեկ նիստ է»:

Բացի Քոչարյանի հարցից, ուրիշ կարևոր հարցեր ե՞ւս կան։ «Մեզ համար բոլոր հարցերն են կարևոր, անկարևոր հարց մեզանում չկա»: Տեղի կունենա՞ նիստը։ «Նիստն իրավազոր է 5 դատավորի մասնակցության դեպքում, կարծում եմ` տեղի կունենա»:

Դուք հիմա ունեք մի քանի ՍԴ «նախագահ»՝ ո՞ր նախագահն է վարելու նիստը։ «Նիստը կկայանա, կիմանաք»: Բոլոր դեպքերում, 3 դատավոր չի մասնակցի՝ նրանց չեն թողնում ՍԴ շենք մտնել։

«Դրա պատասխանատուն ոստիկանությունն է, որը նման լիազորություն չունի, իրենք ընդամենը պետք է շենքի պահպանությունն իրականացնեն. ՍԴ աշխատակազմից որևէ ցուցում իրենց չի տրվել` շենքն արգելափակելու»:

Օրենքով ՍԴ բոլոր դատավորներին ամրակցված է ծառայողական զենք, որն իրենց տրամադրել է ոստիկանությունը, տեղեկություն ունենք, որ այդ դատավորներից, որոնց չեն թողնում շենք մտնել, զենքը հետ չեն վերցրել, և այդ զենքը տրամադրվել է` իրենց անվտանգության և ծառայողական գործունեության խոչընդոտները վերացնելու համար, իսկ ինչո՞ւ հետ չեն վերցրել զենքերը, բա որ հանկարծ «կիրառե՞ն»։ «Այդ հարցերը պետք է ոստիկանությանն ուղղել, եթե հետ չի ստացել, ինչո՞ւ չի ստացել»:

Մանրամասն՝ թերթի այսօրվա համարում

 

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից