Հայաստան Քաղաքականություն 

Ինչու է իմքայլական պատգամավորը մեկուսացել խմբակցությունից

«Ժողովուրդ» թերթը գրում է. «Երեկ, ԱԺ խորհրդի որոշմամբ, ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը ստանձնել էր Հայաստան-Իրան բարեկամական խմբի ղեկավարումը: Մինչ այս բարեկամական խմբի ղեկավարն էր ԱԺ «Իմ քայլը» խմբակցության պատգամավոր« Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ Վարազդատ Կարապետյանը:

Բացի այդ, որոշում էր կայացվել, որ իմքայլական պատգամավոր Վարազդատ Կարապետյանն այլևս չի ղեկավարի նաև Հայաստան-Թուրքմենստան բարեկամական խումբը: Այն իր փոխարեն կղեկավարի նույն խմբակցության պատգամավոր Ալեքսանդր Ավետիսյանը:

Եվ, ահա, ըստ ArmLur.am-ի տեղեկությունների՝ այս փոփոխությունը զարմանալի է եղել նաև իշխանական խմբակցության պատգամավորների համար, քանի որ, շատերի կարծիքով, Վարազդատ Կարապետյանը լավ և աշխատող պատգամավորներից է, որը կարող էր այս երկու բարեկամական խմբերում բավականին լավ աշխատանք կատարել: Ըստ խմբակցության պատգամավորների՝ վերջին ժամանակահատվածում Վարազդատ Կարապետյանը շատ է մեկուսացել խմբակցությունից, ինչի համար էլ նման որոշում է կայացվել:

Armlur.am-ը տեղեկացավ նաև, որ Վարազդատ Կարապետյանը խմբակցության ղեկավարությանը դեռևս ամիսներ առաջ է տեղեկացրել, որ ինքը զբաղված է ու չի կարող այդ երկու բարեկամական խմբերի աշխատանքներով զբաղվել:

Եվ այս ամենը հաշվի առնելով, որոշում է կայացվել Վարազդատ Կարապետյանին հեռացնել իր ղեկավարած հանձնաժողովի պաշտոններից: Մենք փորձեցինք այս տեղեկությունների շուրջ զրուցել ԱԺ «Իմ քայլը» խմբակցության պատգամավոր Վարազդատ Կարապետյանի հետ, սակայն անարդյունք. հեռախոսն անջատված էր»:

Մանրամասն՝ թերթի այսօրվա համարում

 

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից