Կրթության փորձագետ Սերոբ Խաչատրյանը գրում է․
«Մոտ տասը տարի առաջ Հայաստանի մանուկներ հիմնադրամը Արմավիրի մարզի Մյասնիկյան գյուղի դպրոցում կառուցեց բացօթյա դասարան՝ գրատախտակներով, ամբիոնով, նստարաններով։ Մարզպետարանն էլ մարզագույք տրամադրեց։ Նույն մարզի Գետաշեն գյուղի դպրոցը իր միջոցներով ստեղծել էր 2 բացօթյա դասարաններ, որտեղ ամռանը դասեր էինք անում աշակերտների հետ։ Համավարակի պայմաններում բացօթյա դասարաններ ունենալը անհրաժեշտություն է։ Լավ կլինի բոլոր դպրոցներն ունենան նման դասարաններ»։
