Հայաստան Քաղաքականություն 

Նիկոլը խնդիր ունի ներսում ցույց տալու, որ Կադիրովին հավասար տղա է․ Հակոբյան

analitik.am

Չհիմնավորված ուժ կիրառող ոչ մի ռեժիմ երկար չի ձգում. Փաշինյանի ռեժիմը բացառություն չէ

Մալյանին, Դանիելյանին, Սամսոնյանին և մյուսներին Փաշինյանն այսօր ասֆալտին էր փռում, որովհետև փողոց էին դուրս եկել ասելու՝ դուք պարտվել եք համաճարակի դեմ ձեր իսկ հորջորջված «պատերազմում»: Ձեր воз-ի տղու գլխավորությամբ արդեն իսկ 700-ից ավել մարդու գլուխ եք կերել, հիմա արհեստականորեն մի երկարացրեք արտակարգ դրություն կոչվող այս կրկեսը: Արտակարգ դրության տնազը մի օգտագործեք ընդդիմախոսներին լռեցնելու և ձեր տերերի կողմից ձեզ պարտադրված պիղծ օրակարգերը ժողովրդի վզին փաթաթելու համար: Սա էր մարդկանց ասածը: Կա արդյո՞ք գեթ մեկ ռացիոնալ բացատրություն, թե ինչու՞ էր պետք բիրտ ուժ կիրառել մեն-մենակով մեքենա վարող քաղաքացու նկատմամբ, բացի նրանից, որ Նիկոլը խնդիր ունի ներսում ցույց տալու, որ Կադիրովին հավասար տղա է: Իրավիճակի ֆեյքիզմը նրանում է, որ Կադիրով խաղալու հավակնություն Փաշինյանն ունի միայն երկրի ներսում: Իրեն թվում է հայ ժողովրդին կարող է ապուշի տեղ դնել՝ ներսում Կադիրովի իմիջ ձևավորելու փորձեր անելով, իսկ դրսում խաղաղություն մուրացող, փուլային տարբերակ բանակցող, ձեռքի հետ էլ սիգարետի ու զենքի մաքսանենգությամբ զբաղվող տուզիկների իշխանության առաջնորդի համբավ ունենալով:

Եվ, եթե այսօր ապօրինի ձերբակալվածները ԼԳԲՏ քարոզ անեին, Փաշինյանը խնդիր չէր տեսնի: Եթե ռուսական 102-րդ բազան Հայաստանից հանելու համար ցույց անեին, Փաշինյանը խնդիր չէր տեսնի: Եթե թուրք ներելու կոչերով երթ անեին, Փաշինյանը խնդիր չէր տեսնի: Եթե Հայ Եկեղեցին պղծելու ակցիա անեին, Փաշինյանը խնդիր չէր տեսնի: Համոզված եմ՝ այսօր ասֆալտին փռվածները լավ գիտեին, թե ուր են գնում և ինչ է լինելու իրենց հետ: Մարդկության փորձը ցույց է տալիս, որ ազգային ազատագրական պայքարը միշտ էլ գիտակից ու նվիրյալ փոքրամասնությունն է սկսում: Ու եթե Փաշինյանին ու նրա ոհմակին թվում է, թե ուժային լուծումները արդյունք են տալիս, ապա չարաչար սխալվում են: Շատ շուտով կհամոզվեն, որ սխալվել են, վատով են սխալվել: Չկա երկրի ազգային-պետական շահերը աճուրդի հանած մի դիկտատորիկ, որը չի պատժվել: Իսկ Փաշինյանի դաժան պատիժը ժամանակի հարց է, շատ կարճ ժամանակի:

Միհրան Հակոբյան

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից