Ինչպես և սպասելի էր Տավուշում ստեղծված իրավիճակի ամենակոշտ, միակողմանի արձագանքները Թուրքիայից էր: Սակայն Թուրքիայի արձագանքը չպետք է դիտել զուտ աջակցություն Ադրբեջանին: Այս մասին իր էջում գրում է Արցախի նախագահի նախկին խորհրդական Տիգրան Աբրահամյանը:
«Թուրքիան իր վաղուց ձևակերպված մոտեցումներն ունի մեր տարածաշրջանում ու դրանք Հայաստանին և Արցախին ուղղված սպառնալիք են:
Թուրքիայի հետ ուղղակի կամ անուղղակի առնչվող բոլոր գործընթացներում այս պարզ ճշմարտությունը պետք է գիտակցել և միշտ հիշել, որ պաշտոնական Անկարայի նպատակը ռեգիոնալ պրոցեսներում զուտ դիտորդի կարգավիճակով իր ներկայությունն ապահովելը չէ, իսկ հնչող կոշտ հայտարարություններն այն նվազագույնն են, որոնցով Թուրքիան ներկայացնում է իր վերաբերմունքը Հայաստանի նկատմամբ»,-նշում է նա:
