Հայ-ադրբեջանական պետական սահմանագոտու հյուսիսարևելյան հատվածում հակառակորդի արձակած կրակից զոհված կապիտան Սոս Էլբակյանը 28 տարեկան էր, Շիրակի մարզի Մարմաշեն համայնքից: Այս մասին NEWS.am-ին հայտնել են Մարմաշենի համայնքապետարանից։
Սոս Էլբակյանը Մարմաշեն համայնքի ղեկավար Կարեն Արշակյանի հորեղբոր տղան էր։
NEWS.am-ին հայտնել են, որ Սոսն ամուսնացած չէր, բնակվում էր ավագ եղբոր և ծնողների հետ։
Ընտանիքը զբաղվում է գյուղատնտեսությամբ։
Սոսի մարմինը դեռևս գյուղ չեն տեղափոխել։