ՄԱԿ-ի կողմից մարդասիրական օգնություն տեղափոխող «Bluebird Aviation» ավիաընկերության ինքնաթիռը վթարի է ենթարկվել Սոմալիի Բելեդվեյն օդանավակայանում վայրէջք կատարելիս: Այս մասին հայտնում է տեղի «Kahawa Tungu» թերթը:
Ինքնաթիռում գտնվող մարդիկ ողջ են մնացել: Վթարի ճշգրիտ պատճառն անհայտ է: Օդանավը հաղորդել է, որ արտակարգ վայրէջք է կատարել, ինչից հետո հրդեհ է բռնկվել: Հրապարակված տեսանյութի կադրերում երևում է, որ տեղի բնակիչները փորձում են մարել ինքնաթիռում բռնկված հրդեհը:
