2024 թվականին, Մոսկվայում անօդաչու տաքսիներ կհայտնվեն։ Այս մասին հայտարարել է ՌԴ տրանսպորտի փոխնախարար Ալեքսեյ Սեմենովը՝ Ռոսկոնգրեսի կազմակերպած առցանց համաժողովի ընթացքում:
Նրա խոսքերով, տրանսպորտի նախարարությունը, Ներքին գործերի նախարարությունը և արդյունաբերության և առևտրի նախարարությունը համատեղ մշակում են անօդաչու մարդատար ավտոմեքենաների ներդրման ծրագիրը․ «Կարծում եմ, որ 2024 թվականն այն ժամանակն է, երբ մենք կարող ենք այս կամ այն ռեժիմով գործարկել վերոնշյալ տեսակի անօդաչու տաքսիները»,-ասել է Սեմենովը:
