ՆՈՐԻՑ ՄԵԾԱՄՈՐԻ ԱՏՈՄԱԿԱՅԱՆԻ ԹԵՄԱՅՈՎ
Այսօր թշնամի երկրի լրահոսում հրապարակվեց Մեծամորի ատոմային էլեկտրակայանի դեմ հնարավոր հրթիռային հարված հասցնելու՝ ադրբեջանական պաշտպանական գերատեսչության սպառնալի հայտարարությանը:
Այդ կապակցությամբ հարկ եմ համարում ընդգծել, որ անհրաժեշտ է զրկել նման սպառազինություն ձեռք բերելու հնարավորությունից՝ այդպես հոխորտացող երկրին, որը միջազգային խոշորամասշտաբ ահաբեկչություն կատարելու հետևանքով կարող է բերել հարյուր հազարավոր մարդկանց մահվան և տարածաշրջանը հանգեցնել հումանիտար աղետալի իրավիճակի:
Մյուս կողմից հաշվի առնելով, որ Մեծամորի ԱԷԿ-ի վրա հարձակումը կարող է ավելի շատ վնասներ հասցնել Ադրբեջանի «մեծ եղբայր» Թուրքիային, բացառում եմ վերը նշված սպառնալիքի իրագործումը՝ համարելով այդ հայտարարությունը հոգեբանական ներգործության հնարք՝ խուճապային տրամադրություններ ստեղծելու նպատակով: Միևնույն ժամանակ, ավելորդ չեմ համարում այս հանգամանքի վրա հրավիրել միջազգային կառույցների, ինչպես նաև զենք-զինամթերքի առևտրող զբաղվող գերտերությունների ուշադրությունը: