RT-ի գլխավոր խմբագիր Մարգարիտա Սիմոնյանը գրառում է կատարել ֆեյսբուքյան իր էջում՝ անդրադառնալով ՀՀ վարչապետ Նիկոլ Փաշինյանի արձագանքին իր նախորդ գրառմանը։ Սիմոնյանը, մասնավորապես, գրում է․
«Lenta.ru-ն իմ այս գրառման և Փաշինյանի արձագանքի մասին հոդված է գրել: Կարելի է մեծ վստահությամբ ասել, որ քանի դեռ Հայաստանում առանցքային պաշտոններ կզբաղեցնեն ամերիկամետ ՀԿ-ների նախկին ներկայացուցիչները, այդ կովկասյան Հանրապետությունը միջպետական հարաբերություններում կստեղծի լարվածության նորանոր կետեր, իսկ Մարգարիտա Սիմոնյանի գրառումը պաշտոնապես բացեց այդ խնդրի վարագույրը: Եվ Փաշինյանի կողմից ակնթարթային արձագանքը միայն ամրապնդում է այդ ենթադրությունը»:
