Պետական միջոցների շորթման կասկածանքով Ղազախստանում ձերբակալել են երկրի առողջապահության նախարարի տեղակալին։ Օլժաս Աբիշևի նկատմամբ այս գործողությունները հետևել են ֆինանսների նախարարության՝ ֆինանսական մոնիթորինիգ կոմիտեի քննությանը, հայտնում է «Իզվեստիան»։
Փոխնախարարի գործից այլ մանրամասներ չեն հաղորդվում։ Միայն հայտնի է, որ հիմա հետաքննություն է իրականացվում։
Աբիշևի այս պաշտոնում նշանակվել էր 2018 թվականին։ Նա համակարգում էր նախարարության՝ թվայնացման և ինֆորմացիոն անվտանգության հարցերը։