Համաձայն ԱՄՆ-ի 270 բուհերում «New York Times» թերթի անցկացրած հարցման արդյունքների՝ ավելի քան 6,600 ուսանող և դասախոս վարակվել է COVID-19-ով, որոնցից 14-ը մահացել են:
Մոտ հազար բուհերի մեծ մասը չի արձագանքել հարցմանը, իսկ ներկայացրած տվյալները չեն ընդգրկում շատ վայրերում արդեն սկսված աշնանային կիսամյակի տվյալները:
Այդուհանդերձ, թերթը եզրակացրել է. «Այս տվյալները, որոնք միանշանակ կարելի է ասել, որ լիարժեք չեն, այնուամենայնիվ ցույց են տալիս այն ռիսկը, որին դիմում են բուհերը՝ վերաբացվելով համաճարակի պայմաններում»:
Ամերիկյան համալսարանները փորձում են առավելագույնս անվտանգ կերպով շարունակել կրթություն տրամադրել՝ որոշ մասը լիովին պահպանելով առցանց ուսուցումը, մյուսներն էլ դասերի միայն մի մասը մասնաշենքում անցկացնելով: