Օգոստոսի 2-ին, ժամը 18։33-ին Ճգնաժամային կառավարման ազգային կենտրոն ահազանգ է ստացվել, որ Երևանի Անդրանիկի փողոցի թիվ 73 շենքի բնակարաններից մեկի բնակիչը սպառնում է ինքնասպան լինել՝ ցած նետվելով շենքի 8-րդ հարկի պատուհանից: Այս մասին հայտնում են ԱԻՆ մամուլի ծառայությունից:
Դեպքի վայր են մեկնել ԱԻՆ ՓԾ Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի կրտսեր հրահանգիչը։
ԱԻՆ հոգեբանը քաղաքացուն ցուցաբերել է հոգեբանական աջակցություն: Ոստիկանության աշխատակիցները քաղաքացուն տեղափոխել են ոստիկանության Մալաթիայի բաժին։
