Հասարակություն Պատահարներ 

Նոր Արեշում կատարված 2 երիտասարդի դանակահարությունը բացահայտվել է․ մեկ անձ կալանավորված է

analitik.am

Հուլիսի 25-ին, կեսգիշերին մոտ, ոստիկանության Էրեբունու բաժնում հիվանդանոցից հաղորդում էր ստացվել, որ կրծքավանդակի կտրած-ծակած վերքերով երկու երիտասարդ են բուժօգնության տեղափոխվել: Այս մասին հայտնում են ՀՀ ոստիկանության լրատվության ծառայությունից։

Նրանց դանակահարել էին:

Օպերատիվ խումբը մեկնեց հիվանդանոց: Իրավապահները կազմեցին անհրաժեշտ արձանագրություններ, զրուցեցին բժշկի հետ: Տուժողներն ի վիճակի չէին բացատրություն տալու:

Դեպքի առթիվ հարուցվեց քրեական գործ: Նշանակվեցին դատաբժշկական փորձաքննություններ:

Բացահայտման աշխատանքներին միացան ոստիկանության Երեւան քաղաքի վարչության ծառայողները: Եվ համագործակցությունը հաղորդումից օրեր անց դրական արդյունք տվեց: Ոստիկանները պարզեցին, որ տուժողներին Ազատամարտիկների փողոցի 3-րդ նրբանքի եւ Նոր Արեշի 34-րդ փողոցի հատման մասում, կենցաղային հարցերի շուրջ վիճաբանության ժամանակ, դանակահարել էր Նոր Արեշի 23-ամյա մի բնակիչ:

Իրավապահների բացատրական աշխատանքի արդյունքում հուլիսի 30-ին կասկածվողը ներկայացավ նախաքննական մարմնին եւ ձերբակալվեց:

Նրան մեղադրանք է առաջադրվել: Խափանման միջոց է ընտրվել կալանավորումը:

Նախաքննությունը շարունակվում է:

Նույն շարքից