Մարդ կա, ով ունեցել է սեփական հող, ապրում է Սանկտ Պետերբուրգում, 15-20 տարի այստեղ չի եղել: Համայնքն այդ տարածքը վերածել է պուրակի: Հիմա այս մարդը եկել է, ուզում է կառուցապատում անի, սակայն մենք թույլ չենք տալիս: Այս մասին մամուլի ասուլիսի ժամանակ հայտարարեց Երևանի քաղաքապետ Հայկ Մարությանը:
Քաղաքապետը նշեց, որ այսօր Երևանում սեփականաշնորհված գազոններ կան. «Մենք Նոր Նորքի այգում, եկեղեցու դիմաց 2000 քռ/մ սեփական հող ունենք: Էլ չասեմ մայթերի մասին, բակերում սեփականությունների մասին: Վկայականով մարդու սեփականությունն է, պատկերացում չես կարող կազմել, թե ինչպես է դա տեղի ունեցել»:
«Մենք հիմա չենք թողնում, որ այդ պուրակում այդ մարդը շինարարություն անի, ասում ենք, որ կարող է գնալ դատարան: Մենք իրավունք չունենք այդ պուրակը տալ կառուցապատման:
Իմիջիայլոց օրենքով ես կարող եմ այսօր մեկ հեկտար հող վերցնել, ծառեր աճեցնել, 20 տարի հետո հատել, հետո էլի աճեցնել ու հատել: Իմ ծառերն են, իմ հողն է, ինչ ուզում անում եմ, կներեք: Բայց այդ մարդուն ամեն դեպքում ասում ենք, որ չենք տալիս, արի կռիվ անենք իրար հետ, բայց չենք տալու»: