Ամուլսարում այս պահին իրավիճակը հանդարտվել է: Կողմերը բանակցում են միմյանց հետ, որպեսզի հասկանան հետագա անելիքները:
Ավելի վաղ կրքերը մի քանի անգամ խիստ բորբոքվեցին, ինչի արդյունքում կան բերման ենթարկվածներ: Բերման ենթարկվածների թվում է նաև «Կանաչ ապագա» ՀԿ-ի ղեկավար Վահագն Վարագյանը:
Ինչպես երևում է համացանցում հայտնված լուսանկարից, ոստիկանական գործողությունների ժամանակ ոստիկաններից մեկն անգամ խեղդող հնարք է կիրառել քաղաքացիներից մեկի նկատմամբ:
Հիշեցնենք, որ քաղաքացիները երթով հասել են այն պահակակետ, որտեղ իրենց դոմիկները հեռացրել են ու տեղադրել պահնորդների դոմիկները: Քաղաքացիները պահանջում են հեռացնել նոր դոմիկը: