168.am-ի տեղեկություններով՝ աշխատանքից ազատվելու դիմումներ են ներկայացրել ՀՀ երկու փոխոստիկանապետերը՝ Հայկ Մհրյանն ու Տիգրան Եսայանը: Վերջինիս մասին համակարգում բավական դրական են արտահայտվում՝ նշելով նրա հատկապես գրագետ պաշտոնյա լինելու հանգամանքը:
Ավելին, մեզ ասացին, որ այս պահին նրանք արդեն իրերն են հավաքում աշխատասենյակներից:
Analitik.am-ի հետ զրույցում ՀՀ ոստիկանության հասարակայնության հետ կապերի և լրատվության վարչության պետ Աշոտ Ահարոնյանն ասաց, որ Ոստիկանապետին ու փոխոստիկանապետին պաշտոնից ազատում ու նշանակում է նախագահը:
ՀՀ նախագահի օգնական Հասմիկ Պետրոսյանն իր հերթին մեզ ասաց, որ վարչապետը նախագահին փոխոստիկանապետերին ազատելու հարցով դեռ չի դիմել:
