Ամիսներ առաջ ՀՀ վարչապետ Նիկոլ Փաշինյանը հայտարարել էր, որ պետք է լուրջ զբաղվել, տեղորոշել այն մարդկանց, ովքեր ասում են, թե կորոնավիրուս չկա:
Այսօր ճեպազրույցի ժամանակ Փաշինյանն ասաց, որ իր հանձնարարականը կատարվել է ու կատարման ընթացքում է. «Պարզվել են մարդիկ, շրջանակներ, ովքեր այդ տիպի քարոզչություն են ծավալել ու շարունակում են ծավալել:
Սա հարց է, թե ինչքանով է նրանց արարքն այսօրվա քրեաիրավական կամ օրենսդրության տեսակետից սանկցիաներ ու գործողություններ առաջացնում: Մենք այս ամեն ինչը վերլուծում ենք»:
