Քաղաքականություն 

Արտակարգ դրության երկարաձգումը խայտառակ որոշում է. Մարուքյան

analitik.am

Արտակարգ դրության երկարաձգումը խայտառակ որոշում է... Ֆեյսբուքի իր էջում գրել է ԱԺ պատգամավոր ԼՀԿ խմբակցության ղեկավար Էդմոն Մարուքյանը։

«Արտակարգ դրության ժամկետը ևս մեկ ամսով երկարաձգելու որոշումը ոչնչով արդարացված ու հիմնավորված չէ:

Անհրաժեշտ սահմանափակումները հնարավոր է պահպանել նաև այլ իրավական ակտի՝ ՀՀ բնակչության սանիտարահամաճարակային անվտանգության ապահովման մասին ՀՀ օրենքի կիրառման շրջանակներում:

Արտակարգ դրության ժամկետի երկարաձգումը մեծ հարված է հասցնում մեր երկրի բոլոր ոլորտներին, կրկին անգամ հիմք հանդիսանում այլ երկրների կողմից մեր երկրից մուտքի արգելքների պահպանմանը։

Արտակարգ դրության ժամկետի երկարաձգումը որևէ այլընտրանք իրագործելու ունակություն չունեցող կառավարության խայտառակ որոշում է», - գրել է Մարուքյանը:

Նույն շարքից