Մուեձին Օսման Ասլանը մահացել է սրտի կաթվածից՝ մզկիթի վերածված Սուրբ Սոֆիայի տաճարում, РИА Новости-ն է փոխանցում՝ հղում կատարելով Ստամբուլի վարչական ղեկավարությանը։
Քաղաքային ղեկավարության հաղորդագրության մեջ նշվում է, որ մուեձինը մահացել է սրտի կաթվածից՝ էքսկուրսավարի կամավորական պարտականությունները կատարելիս:
Հիշեցնենք, որ Թուրքիայի Գերագույն վարչական դատարանը հուլիսի 10-ին չեղարկել էր 1934 թվականի որոշումը տաճարը թանգարանի վերածելու մասին: Դրանից անմիջապես հետո երկրի նախագահ Ռեջեփ Թայիփ Էրդողանը հայտարարել էր Սուրբ Սոֆիայի տաճարը կրկին մզկիթի վերածելու շուրջ հրամանագիր ստորագրելու մասին:
