Բարնաուլի քաղաքապետ Վլադիսլավ Ֆրանկը փորձել է ակնոցի փոխարեն պաշտպանիչ դիմակ դնել աչքերին: Համապատասխան տեսանյութը հրապարակվել է ВКонтакте սոցիալական ցանցի «Инцидент Барнаул» խմբում:
Միջադեպը տեղի է ունեցել հիմնանորոգման թեմայով պաշտոնատար անձանց հետ հանդիպման ժամանակ: Իր ելույթի ընթացքում քաղաքապետը ձեռքի տակ ունենալով պաշտպանիչ դիմակ, ինչ-որ պահի ցանկացել է ակնոց դնել, սակայն մոռացել է, թե ինչ է իր ձեռքում և փորձել է այն դնել աչքերին։ Տեղի ունեցածից հետո դահլիճում ծիծաղ է հնչել։
