Անցած երեք օրվա ընթացքում Պակիստանում ջրհեղեղի զոհ է դարձել առնվազն 64 մարդ: Այս մասին հայտնում է ՏԱՍՍ-ը՝ հղում անելով «Սինհուա» լրատվական գործակալությանը:
Պակիստանի աղետների կառավարման ազգային գործակալության տվյալների համաձայն՝ բնական աղետի պատճառով ամենաշատ մահացության դեպքերը գրանցվել են հյուսիսարևմտյան Խայբեր Պախտունխվա մարզում:
Նշվում է, որ ջրհեղեղի պատճառով խափանվել են կապի միջոցները, ջրի տակ են անցել հարյուրավոր բնակելի շենքեր, ինչը հանգեցրել է կամուրջների և բարձրավոլտ էլեկտրահաղորդման աշտարակների փլուզման:
Աղետի գոտում զինվորականները տեղակայել են շարժական հոսպիտալներ, որտեղ օգնություն են ցուցաբերում տուժածներին: